Wonten 2 pamanggih ingkang mboten gathuk wonten ing
perkawis anggenipun ngginakaken Basa Jawi. Inggih menika antawisipun golongan
sepuh kaliyan enem. Para sepuh nganggep bilih lare sakmenika sampun mboten
gadhah tatakrama. Mboten gadhah unggah ungguh utawi rasa hormat dhumateng
tiyang sanes. Perkawis makaten saget dipuntingali saking basa ingkang
dipunginakaken ing saben ditenipun. Lare enem sakmenika mboten saged ngecakaken undha usuking
basa kanthi leres lan sae. Malah wonten ingkang mboten saget ngginakaken basa Jawa Ngoko,
amargi saben dintenipun sampun biasa ngginakan Basa
Indonesia.
Kahanan kados menika estu kadadosan wonten ing masarakat.
Sanes panyaruwe tiyang sepuh kemawon, kadadosan menika
panci kadadosan. Kathah lare enem ingkang sampun mboten purun ngginakaken Basa
Jawa dados basa saben dintenipun.
Menawi dipun diteliti, wonten pinten-pinten faktor
ingkang ndadosakan basa Jawi menika jarang dipunginakaken.
1. Basa
Jawa menika Sisah
Kathah tembung ingkang kedah dipunginakaken kangge pawicantenan.
Tembung-tembung menika kedah dipunpilih pundi ingkang cocok kangge lawan.
Ananging wonten jaman sakmenika sedaya kedah serba praktis, kadosan menika
ingkang nyebabaken tiyang males anggenipun ngginakaken basa Jawi.
Malah wonten ingkang nganggep basa jawi menika basa
feodal, tegesipun basa
ingkang ngutamakaken pangkat saha drajat.
Paham ingkang ngagungaken inggih menika paham
egalitarianism, tegesipun paham ingkang nganggep bilih sedaya tiyang menika sami. Dados
sedaya ingkang gegayutan kaliyan feodalisme
sampun kentun ing jaman, sampun mboten dipunginakaken malih. Napa malih menawi
sampun ngendhikan bab basa Krama Inggil kaliyan Aksara Jawa.
2. Basa
Jawa mboten Bergengsi
Bilih wonten tiyang ingkang faseh ngginakaken basa Jawa,
tiyang menika dipuncap minangka tiyang dusun. Amargi miturut tiyang ing jaman
sakmenika sedayanipun kedah wonten unsur Inggrisipun. Ananging menawi kita sama
ningali bintang sinetron estunipun
menika mbotrn ngginakaken kaidah basa ingkang sae.
3. Basa
Jawa Mboten Paring Untung Materi
Basa Jawi mboten saget kangge pados pakaryan. Amargi ing
jaman sakmenika ingkang paling penting kedah nguaosi teknologi, ingkang
umumipun teknologi menika dipunbeta saking tiyang ngamanca. Awit saking menika
wigati sanget anggenipun saget basa ngamanca.
Malah wonten ingkang ujar mekaten, “ora bisa basa
Jawa, ora patheken”. Cobi kados pundi bilih
wonten ingkang kados menika.
Sedaya perkawis menika menawi dipunpenggalih wonten
leresipun. Ananging menawi kula saha panjenengan sami naming tumut laiyan
panyaruwe menika, kados pundi nasipipun Basa Jawi. Menapa purun dados tamu
wonten ing negara piyambak. Ngraosaken sisah wonten negara piyambak amargi
ingkang dijunjung namung saking njawi.
Wonten ngandhap menika cara kangge ngadhepi perkawis
wonten ing nginggil.
1. Alasn nomer 1 menawi dipuntingali wonten leresipun,
ananging pamanggih naming wonten ing jaman rumiyen. Nalikanipun taksih wonten
kraton minangka pusat kuwaosan. Menawi
jaman sakmenika kedahipun sampun beda amargi kraton sanes pusat kuwaosan malih.
Basa Jawi minangka gudangipun unggah ungguh basa.
Basa Jawa gadhah kathah tembung ingkang ngemu pakurmatan
langkung lengkap bilih dipunlimbangaken kaiyan basa sanes ingkang gadhah ancas
kangge paring pakurmatan. Menapa
menika mboten spektakuler sanget!
2. Ingkang kaping 2 panci mboten saget ucul saking donya
ingkang sansaya sempit menika, amargi teknologi ingkang sampun majeng
ndadosaken maneka warna info saget mlebet kanthi gampil.
Ajar basa manca panci wigati. Ananging perlu dipunemut bilih ingkang dipunpadosi
inggih menika jati dhirii bangsa ingkang khas. Ampun nyalahaken leluhur kita sami ingkang sampun paring
petunjuk. Kapribadhen ingkang khas wigati sanget supados bangsa sanes saget
ngajeni bangsanipun piyambak. Kadosta bangsa Cina kaliyan Jepang ingkang majeng
wonten ing teknologi inggih mboten ninggal jati dhirinipun. Menapa mboten
langkung sae bilih kita saget basa ngamanca kados Jepang, Inggris, Prancis,
Jerman, nanging basa Jawi kula saha panjenangan sami sempurna. Satemah kahanan
ingkang kados menika saget mbangun kagum tiyang ngamanca dhumateng bangsa kita.
3. “barang sedikit itu banyak yang mencari”.
Ing jaman sakmenika kathah tiyang ingkang mboten paham
kaliyan budayanipun piyambak. Minangka siswa ingkang wonten ing Pawiyatan,
mahasiswa ingkang mlebet jurusan Sastra
Jawa jumlahipun langkung sekedihik bilih dipunsandhingaken kaliyan jurusan
jurusan wonten ing fakultas FISIP, Hukum, Ekonomi, menapa malij Kedokteran.
Ananging saking sekedhik menika ingkang ndamel Sastra Jawa istimewa. Ingkang matur bilih Basa Jawa mboten saget paring
penghasilan, kula kinten menika perlu dipunpenggalih malih. Sedayanipun sampun
wonten ingkang ngatur. Rejeki, mati, jodho, sampun dipunatur kaliyan Gusti
ingkang maha welas.
Ananging sedaya menika mbalik wonten awakipun piyambak.
Saget tahan utawi mboten menika gumantung saking usahanipun menungsa piyambak. Mekaten
ugi Basa Jawi saget ical utawi Jaya inggih saking usahanipun manungsa piyambak.
Dening : Surya Ayu Septyanti
NIM. 10205244040
0 komentar:
Posting Komentar