Bocah Sukerta ing Dieng

Wonten ing taun 1600an, kala rumiyin Wonosobo taksih awujud wana utawi alas. Lajeng wonten tiga tiyang ingkang ngembara inggih punika Kyai Walik, Kyai Kolodete lan Kyai Karim ingkang dadosaken Wonosobo dados pemukiman lan sawah-sawah kangge tani.

            Tiga tiyang ingkang dados panegak Kota Wonosobo kala wau dumunung wonten papan ingkang beda-beda. Kyai Walik wonten ing Kota Wonosobo, Kyai Karim wonten ing Kalibeber lan Kyai Koledete wonten wonten ing Dieng

            Miturut cariyos, kala wonten ing Dieng Kyai Kolodete gadhah rikma gimbal utawi gembel lan Kyai Kolodete gadhah sumpah boten badhe pangkas rikmanipun ngantos daerah Dieng dados makmur lan subur, menawi kalaksanan Kyai Kolodete badhe marisaken utawi nitisaken rohipun kangge bocah ingkang nembe kemawon miyos utawi saweg saged mlampah.

            Ngantos sakmenika, lare-lare ingkang gadhah rambut gembel dipunwastani lare sukerta dipunpitados menawi lare menika titisanipun Kyai Kolodete. Menawi badhe dipunpangkas kedah ngawontenaken upacara ruwatan pangkas rambut gembel lan menapa kemawon ingkang dados kekajengan lare menika kedah dipunturuti. 

Dening : Tri Ristiyani

NIM. 10205244026