KIRAB SEWU APEM

 

Kirab apem sewu inggih menika acara ritual syukuran masyarakat Kampung Sewu, Solo, Jawa Tengah ingkang dipunlampahi saben wulan haji (wulan Zulhijah-kalender penanggalan Islam). 

Ritual syukuran kasebat dipunlampahi kagem nepangaken Kampung Sewu ingkang dados sentra produksi apem dateng sedaya masarakat lan ugi kagem paring pakurmatan dateng sedaya para pandamel apem ingkang wonten ing mrika. 

Sanesipun menika, upacara ritual syukuran  meika dipundamel kagem ngaturaken rasa syukur dateng Gusti amargi desa  lan papan panggonan masarakat sedaya sampun aman saking musibah.

Kenging menapa mekaten ? miturut Ketua Pelaksana Kirab Apem Sewu, Pak Hadi Sutrisno, papanipun Kampung Sewu Solo menika wontene ing pinggir Kali Bengawan Solo, kalebet daerah rawan banjir. Pramila, masarakat kedah ngaturaken rasa sukur. 

Sejarah Tradisi Apem Sewu. 

 

Tradisi apem sewu kawiwitan saking amanah ingkang dipunandharaken dening Ki Ageng Gribig dateng sedaya warga supados para warga damel 1000 roti apem lajeng dipundum dateng sedaya masarakat kagem mujudaken raos sukur.

Sesarengan kalihan mlampahipun jaman, pramila ritual kirab apem sewu menika dipunwiwiti kanthi kirab budaya warga Solo ingkang ginakaken rasukan adat Solo, kadosta kebaya, lakon punakawan, lan kostum pasukan keraton.

Bocah-bocah sekolah ugi tumut dados peserta kirab kanthi nampilaken marching band SD, atraksi Liong (naga), sarta maneka warni tontonan tarian tradisional lan teater.

1.000  roti apem ingkang sampun dipuntata dados gunungan menika lajeng dipunarak saking lapangan Kampung Sewu tumuju area sakiwotengenipun kampung ingkang tebihipun kirang langkung kalih kilometer.

Adicara kirab dipunlampahi satunggal dinten, ingkang dipunwiwiti kanthi prosesi maringaken bahan panganan (uba rampe) ingkang pada damel apem saking tokoh masyarakat Solo dateng sesepuh Kampung Sewu wonten ing Lapangan Kampung Sewu, Solo. (Ervina/Kidnesia/Kompas.com)  

Dening : Dyah Arum Ratri

NIM. 10205244031