Wanita ayu Tionghoa ingkang
ngaku yuswanipun 38 taun lan mapan wonten ing wilayah Magelang menika gadah
pakaryan minangka sekretaris pribadi salah satunggaling bos kondhang. Sadangunipun
dados sekretaris pribadi, Yuni lan bosse gadah sesambungan peteng ingkang boten
dipunmangertosi dening garwanipun Bos menapa dene garwanipun Yuni piyambak. Bos
kaloka kalawau namanipun Gunawan, gadah pabrik wonten ing jaban
jawa saben kutha wonten, dealer mobil wonten ing jakarta mawon boten kaetung kathah
e, cekak aose Gunawan tiyang ingkang kasinungan bandha donya boten telas
dipundahar pitung turunan.
Ananging miturut Yuni bandha
menika dereng mesthi saged damel remen lan tentrem, tiyang gesang menika namung
sawang sinawang. Sajatosipun sampun boten wonten kirangipun ingkang babagan
kadonyan, menapa ingkang dipunpingini dening Yuni sampun mesthi saged kelakon
menapa kedurutan. Menapa malih Gunawan si Bos menika tresna sanget kaliyan
Yuni. Menapa ingkang dipunucap dening Yuni sampun mesthi dipunturuti. Jalaranipun
Yuni saged ngladeni menapa ingkang dipunkajengaken dening bos Gunawan. Semana ugi
Yuni boten saged nolak menapa kemawon ingkang dipunkajengaken dening Bosipun. “Aku
kepengin banget urip limrah kaya wanita liyane, makarya sanadyan saka jam 8
bali jam papat. Ora kaya saiki kang taklakoni, aku teka lan bali omah ora
mesthi. Kadhang kala kudu ngancani Boa neng jaban kutha, utawa ning negara manca.
Diukur bandha aku wis turah, nanging diukur rasa tak kira aku wanita sing
paling sengsara,” Yuni nggresula wonten penggalihipun.Yuni ngraosaken bilih
lelakon ingkang sampun dipunlakoni kaliyan Gunawan sampun tebih saking bebener,
menawi anggenipun derek Gunawan dugi jaban kutha ngantos tigang dintan, Yuni
kedah ngladosi sedayanipun, saking kabetahan lair dugi batos. Yuni kandha
marang awakipun piyambak “Aku ora bisa nduwa karepe Gunawan ya Bosku, jalaran
sasuwene iki Gunawan pancen wis nyukupi kabeh kabutuhan uripku, kalebu
kabutuhan keluwargaku, aku mung bisa manut lan pasrah apa kang dikarepke. Kepara
sedian sewengi Bosku mung ngajak ana kamar supaya aku bisa ngladeni sakabehe
kanthi wutuh tanpa keganggu sapa wae.” Yuni piyambak boten mangertos dugi kapan
kahanan kados mekaten bibar. Menawi saged ngaku, Yuni sampun boten betah amargi
sampun kuwalat marang garwa lan putra-putranipun. Ananging Yuni ugi boten
gadhah pilihan. Ngengingi gesang ing jaman sakmenika kedah suku dados mustaka,
mustaka dados suku. Mapinten-pinten wanita ingkang kepengin dados Yuni, wanita
karir ingkang mapan lan saged nyekapi kabetahan keluwarganipun. Ananging Yuni
namung saged dedongan marang Gusti supados dipunparingi dalan padang.
Dening : Dyah Arum Ratri
NIM. 10205244031
0 komentar:
Posting Komentar