Paraga wayang wong ing sisih kiwa punika
salah satunggaling anggota Kelompok Wayang Wong Tresno Budoyo pimpinanipun Yati
Pesek, wonten ing pagelaran wayang wong Burisrawa Stres kula manggihaken tiyang
ingkang dados paraga Werkudara, piyambakipun estri, piyambakipun ngendika
menawi remen sanget saged dados paraga Werkudara ingkang gagah prakoso lan
saged maragakaken kanthi sae sanget dene sajatosipun piyambakipun tiyang estri.
Piyambakipun nambahaken menawi pagelaran wayang punika ingkang dados paragawayang
wong sedayanipun tiyang estri kadosta Yati Pesek ingkang dados Prabu Kresna
saha tokoh sanesipun ingkang ndherek nyengkuyung pagelaran Wayang Wong punika.
Pagelaran Wayang Wong Burisrawa Stres ngewrat babagan kesetaraan gender amargi sedaya ingkang
dados paraga wayang wong inggih punika tiyang estri sedaya ingkang cacahipun 35
tiyang estri, ananging sedayanipun saged dados paraga dados ksatriya kadosta
dados Werkudara, Prabu Kresna, Antasena ingkang gagah prakosa.
Pagelaran Wayang Wong Burisrawa Stres gadhah tema bab katresnan
saha tuhu ing janji marang garwanipun. Dewi Wara Sembadra tetep njagi kasucen
dhiri saking godha Burisrawa. Watak ingkang saged dipuntuladhani babagan setya
tuhu katresnan saha njagi kehormatan dados wanodya.
Dening : Tri Ristiyani
NIM. 10205244026
0 komentar:
Posting Komentar