Cariyos
kedadosanipun nama Ajibarang inggih menika saking sedanipun Raden Mas Rangsang
ingkang gadhah gelar Panembahan Senopati Ing Alaga Ngabdurrahman utawi Sultan
Agung Hanyakrakusuma ing taun 1645, sampun 6 taun sasampunipun kasil anggenipun
ngrebut Blambangan taun 1939. Sultan Agung sampun kasil anggegayuh daerah
wonten ing Pulau Jawa lan Madura (kajawi Banten lan Batavia) saha Palembang,
Jambi lan Banjarmasin. Sedanipun Sultan Agung dadosaken Pangeran Arum,
putranipun Sultan Agung minangka pemimpin Mataram kanthi gelar Sunan Amangkurat
I.
Awit
Sunan Amangkurat mimpin wilayah Mataram saya sempit amargi tiyang Landa menika
meksa masarakat lan amargi masarakt ingkang gadhah raos bingung, wedi amargi
tambah wiyaripun wilayah Mataram sakderengipun sedanipun Sultan Agung. Kathah pambrontakan
dhateng kuasanipun Raja, antawisipun saking putra wayahipun Sunan Tembayat,
putra wayahipun Kadilangu, Wangsa Kajora, putra wayahipun Panembahan Rama lan
Panembahan Giri.
Amargi
kathahipun pambrontakan menika dadosaken panggenanipun Sunan Amangkurat I dados
boten aman amargi kadosipun wonten gegayutan gotong royong kalihan VOC inggih
menika organisasi monopoli perdagangan gadhahipun Landa wonten ing
Batavia. Satemah Sunan Amangkurat I gadhah rencana kangge nylametaken diri lan
pados pambiyantu dhateng Guberrnur Jenderal De Cock.
Alur perjalanan Sunan Amangkurat I dipunkancani dening
para prajurit keraton lan mendhet rute Kedu-Banyumas-Tegal ingkang badhe
singgah wonten ing Kabupaten Cirebon. Sakduginipun ing satunggal daerah
sakilenipun Banyumas, bekal rombongan Sunan Amangkurat I menika telas. Raos
sisahipun tinambah rikala Sunan Amangkurat I ngertos menawi puluhan
prajuritipun seda amargi jarak lan kahanan margi ingkang dipunlampahi menika
sisah lan tebih sanget.
Wonten ing daerah menika, abdi setya Sunan Amangkurat I
ingkang nama Kyai Pancurawis ugi minangka sais kreta kencananipun Gusti Sunan
kedah nyade barang-barang ingkang taksih wonten kangge dipuntuker kalihan
bahan-bahan dhaharan pokok kangge bekal perjalanan ingkang taksih tebih. Usada
Kyai Pancurawis lan para punggawanipun nemu kasil. Barang-barang ingkang gadhah
regi awis lan mirah menika sedaya saged dipunsade lan dipuntuker sedaya satemah
saged dipun-ginakaken kangge bekal mlampah. Sunan Amangkurat I remen sanget
mirsani usada-usada abdinipun saged kasil. Minangka wujud raos syukur, Sunan
Amangkurat I paring nama kangge daerah menika kalihan sebutan AJIBARANG,
ingkang gadhah teges barang menapa kemawon ingkang dipunsade wonten ing daerah
menika wonten ajinipun utawi wonten reginipun.
Dening : Laeli Nur H.
NIM. 10205244043
0 komentar:
Posting Komentar