KI SUGINO SISWOCARITO

Dhalang Gino menika salah satunggaling dhalang ingkang sampun misuwur wonten ing daerah Banyumas. Dhalang Gino ingkang gadhah asma jangkep Ki Sugino Saswocarito menika asli tiyang Notog. Dhalang Gino menika milai dados dhalang wiwit taksih anem inggih menika wiwit yuswa 20 tahun dumugi sakmenika yuswa 76 taun. Kirang langkung sampun 50 taun dhalng Gino dados dhalang. Boten gampil anggenipun usaha kangge dados dhalang ingkang misuwur kados sakmenika. Ki Gino boten langsung dados dhalang ananging rumiyin nate dados lakon kethoprak ugi dados lakon wonten ing paraga wayang wong. Nanging boten suwi lajeng mandheg, amargi nganggur Ki Gino lajeng nyobi ngamen muter-muter saking satunggal daerah dumugi daerah sanesipun. Ugi nate dados penderes nira kangge damel gendhis abang.  Boten wonten turunan dhalang wonten ing silsilah kaluwarganipun dhalang Gino.

Rikala dhalang Gino manggung alias saweg ndalang, boten sekedhik tiyang ingkang mirsani pertunjukannipun. Pentasipun dipunremeni sedaya tiyang saking tiyang anem dumugi tiyang sepuh. Pramila dening tiyang-tiyang ingkang nonton pertunjukannipun paring sebutan kangge dhalang Gino “dhalang rame”. Amargi dhalang Gino menika remen sanget mbektakaken lakon ingkang rame lan dipunremeni dening tiyang anem.

Wayang kagunganipun dhalang Gino menika rumiyin mirip kalihan wayang gagrak Yogyakarta, ananging sakmenika dhalang Gino langkung asring mainaken wayang gagrag Surakarta ingkang bentukipun langkung alit. Gagrag menapa kemawon wayangipun, miturut dhalang Gino sami mawon. Sae menapa boten pentasipun menika dipunpengaruhi dening tata lampunipun ugi caranipun mbektakaken paraga wayang kadosta anggenipun mbikak cariyos ingkang badhe dipunlampahaken lan sabetanipun saha swara gendhing ingkang seru.

Dening : Laeli Nur Hidayatunnikmah

NIM. 10205244043